كل يوم نصحى على خبر جديد في عالم الذكاء الاصطناعي.. مرة “جي بي تي” نزل تحديث، ومرة جوجل تعلن عن “جيمناي”، وفجأة يطلع لنا منافس جديد! الواحد صار يحتار: “وش الأفضل لي؟ وش اللي بيخلص شغلي صح؟”
تعال أعلمك وش اللي يبيض الوجه فيهم وبينفعك!
في “تكنو قاي” قررت أجربهم كلهم وأعطيك “الزبدة” عشان تختار اللي يريحك ويوفر وقتك وفلوسك.
1. شات جي بي تي (ChatGPT).. “الجوكر” 🃏
هذا هو الأشهر واللي فتح الباب للكل وحاليًا يعتبر الأكثر استخدامًا بين المهتمين بالمجال ولكن الجميع يستخدمه ومايعرفون وش أفضل استخداماته!
- وش ميزته؟ بتاع كله! ذكي، يفهم عليك بسرعة، وممتاز جداً في التفكير المنطقي وحل المشاكل المعقدة. وتحديثه الأخير (GPT-4o) صار يسولف معك صوتياً كأنه آدمي!
- متى تستخدمه؟ إذا تبي خطة تسويقية، أفكار لمشروع، أو حتى تبي أحد يحلل لك بيانات وصور. هو الخيار الآمن والشامل.
2. جوجل جيمناي (Google Gemini).. “الباحث الذكي” 🧠
ولد جوجل المدلل واللي بيتكامل بشكل كبيير مع منتجات قوقل!
- وش ميزته؟ مربوط بالإنترنت وبخدمات جوجل (إيميلك، ملفاتك في درايف، خرائط جوجل). يعني تقدر تقوله: “لخص لي الإيميل اللي جاني من الشركة الفلانية” وبيسويه بثواني.
- متى تستخدمه؟ إذا شغلك يعتمد كثير على البحث في النت، أو تبي تلخص مقاطع يوتيوب طويلة، أو ملفات PDF كبيرة. هنا جيمناي يتفوق وبقوة.
3. كلود (Claude).. “الكاتب الفنان” ✍️
هذا النموذج مظلوم إعلامياً، لكنه المفضل عندي للكتابة وفي الفترة الأخيرة صار من أهم الأدوات للتقنيين لأنه يختصر عليهم تعديل الأكواد بشكل كبير وتقدر تنشئ من خلاله تطبيقات ومواقع وأنت بدون أي خبرة في الأكواد!
- وش ميزته؟ أسلوبه في الكتابة “بشري” جداً! ما تحس أن اللي كاتب الكلام روبوت. يفهم السياق وما يكرر الكلام، وشاطر جداً في البرمجة وتلخيص الملفات الضخمة مرة.
- متى تستخدمه؟ تبي تكتب إيميل رسمي ومحرج منه؟ تبي تكتب مقال لمدونتك؟ تبي كود برمجي نظيف؟ روح لـ “كلود” وأنت مغمض.
4. ديب سيك (DeepSeek).. “الوحش الاقتصادي” 🐉
هذا الجديد اللي مسوي ضجة في السوق حالياً ولكن انتشاره في عالمنا العربي قليل ماعدى من يبحث عن أقل الإمكانيات وبشكل مجاني.
- وش ميزته؟ نموذج مفتوح المصدر وقوي جداً خاصة في المسائل البرمجية والرياضية، وينافس الكبار بس بتكلفة أقل (أو مجاني في كثير من الأحيان).
- متى تستخدمه؟ إذا كنت مبرمج، أو طالب تبي حلول دقيقة لمسائل علمية، وتبي توفر فلوس الاشتراكات الغالية.
